Vilnius - Moskva

Orðspor Killer Joe fer víða - þessar fréttir voru að berast:  Killer Joe hefur verið boðið til Þjóðleikhússins í Litháen á komandi vori. Barst formlegt boð þessa efnis nú í vikunni, þar sem leikhópnum er boðið að sýna verkið á sviði Þjóðleikhússins litháíska, sem staðsett er í Vilnius. 

Það eru ekki einu fréttirnar frá gamla Soviet, því eitt stærsta leikhúsið í Moskvu, Vakhtangov leikhúsið, hefur einnig sýnt áhuga á að fá sýninguna í heimsókn. Er verið að kanna hvort af því geti orðið í tengslum við gestaleikinn í Litháen.  

Það lítur því út fyrir langferð um austurblokkina á næsta ári fyrir Killer Joe og hans fólk. 

 

 

Næstu sýningar á Killer Joe eru:

Fimmtudaginn 20.okt. - Föstudaginn 21.okt. - Föstudaginn 28.okt.