Fullt hús hjá gagnrýnendum!

Fyrstu viðbrögð við Killer Joe í Borgarleikhúsinu

...mikið svakalega er sýningin gott leikhús! ... upplifunin var eiginlega brjálæðisleg.

Ég veit að aðsóknin verður alvitlaus og óska öllu því fólki góðrar skemmtunar! 

 Unnur Ösp verður lengi í minnum höfð fyrir Dottie

                           Silja Aðalsteinsdóttir, www.tmm.is 

...Björn Thors fer með titilhlutverkið.  Hann var hreint og beint magnaður...Þetta var glæsilega gert hjá Birni

                                        Þorgerður E. Sigurðardóttir, Víðsjá - Rás1

                                       

Miðasala Borgarleikhússins: 568-8000                www.borgarleikhus.is / www.midi.is

Meistaralegur leikur!

Þröstur Leó er einhver besti leikari sem við eigum... Meistaralegur leikur.

Mest mæðir á...Unni Ösp og Birni Thors í hlutverkum Joe og Dottie, og þau eru satt að segja bæði alveg æðisleg.

               Silja Aðalsteinsdóttir,  www.tmm.is

Næstu sýningar: fimmtudaginn 8.mars, föstudaginn 9.mars og laugardaginn 10.mars n.k. 

Þorvaldur Davíð í Julliard?

Ekkert lát virðist vera á frábærum dómum fyrir Killer Joe.  Nýjasti leikdómurinn í safnið kemur frá Víðsjá á Rás1 – en Þorgerður E.Sigurðardóttir gagnrýnandi var í skýjunum með sýninguna.  Það þýðir að Killer Joe er með fullt hús hjá Mogganum, Fréttablaðinu, Tímariti M&M og nú Rás1. Great Succsess!

Um aðra helgi þarf þó að fella niður 2 sýningar vegna þess að einn leikaranna í Killer Joe, ungstirnið Þorvaldur Davíð Kristjánsson hefur verði kallaður aftur til Bandaríkjanna í lokaúrtak fyrir leiklistardeild hins þekkta Julliard listaháskóla í New York. Þorvaldur dvaldi í New York í febrúar s.l. og þreytti þar inntökupróf í nokkra leiklistarskóla en hann hefur nú þegar fengið inngöngu í The American Academy of Dramatic Arts þar í borg. Það er því ljóst að um síðustu forvöð er að ræða að sjá Þorvald Davíð leika, enda er Killer Joe líklega það síðasta sem við sjáum af pilti á íslensku sviði í bili.

Killer Joe í Borgarleikhúsinu

Leiksýningin Killer Joe var frumsýnd á fimmtudagskvöldið s.l. og fékk frábærar viðtökur jafnt gagnrýnenda sem og áhorfenda.  Það er Stefán Baldursson sem leikstýrir verkinu, en leikarar eru Þröstur Leó Gunnarsson, Unnur Ösp Stefánsdóttir, Björn Thors, Þorvaldur Davíð Kristjánsson og Maríanna Clara Lúthersdóttir. 

Næstu sýningar á Killer Joe eru: FIMMTUDAGINN 8.mars, FÖSTUDAGINN 9. mars og LAUGARDAGINN 10. mars næstkomandi. 

                          KHH, Fréttablaðið

Tryggið ykkur miða strax á sýninguna sem allir eru að tala um!!! 

Miðasala Borgarleikhússins: 568-8000 - www.borgarleikhus.is / www.midi.is

Frábær fyrstu viðbrögð:

 Áhorfendur fögnuðu ákaflega í lokin ...

... eitthvað nýtt á íslensku leiksviði...

                   María Kristjánsdóttir, Morgunblaðið

Maríanna Clara túlkar Shörlu frábærlega.

                                                          

                                              Kristrún Heiða Hauksdóttir, Fréttablaðið

Stjörnudómar:

Leikhópurinn glansar...

Björn Thors er...frábær í titilhlutverki leigumorðingjans...

             

                     Kristrún Heiða Hauksdóttir, Fréttablaðið

Úr leikdómi Fréttablaðsins eftir Kristrúnu Heiðu Hauksdóttur

...á sviðinu í Borgarleikhúsinu lifnar (sagan) við í dæmalaust skemmtilegri sýningu. 

                

Leikhópurinn glansar í þessu ótótlega umhverfi hvíta hyskisins. Þröstur Leó leikur fjölskylduföðurinn Ansel, dugminni luðra hefur sjaldan sést og uppskar leikarinn heilmikinn hlátur en einnig meðaumkun. Börnin hans Dottie (Unnur Ösp) og Chris (Þorvaldur Davíð) eru engin afbragðseintök heldur, hvað þá kvendið Sharla sem Maríanna Clara túlkar frábærlega. Björn Thors er einnig frábær í titilhlutverki leigumorðingjans og lögreglumannsins Joe sem er svo trylltur en samt næstum barnalegri en hin vanþroskaða Dottie.

Samleikur Björns og Unnar er aðallímið í sýningunni og það heldur allan tímann. Tímasetningar þeirra eru afar vel hugsaðar, bæði í gríni og dramatík. 

Tónlist Péturs Ben er virkilega góð og viðeigandi, mátulega svöl og rykug fyrir andrúmsloft sýningarinnar. Leikmynd Vytautas Narbutas er vel heppnuð að vanda ...umhverfið er hugvitsamlegt - yfirgengilega hlaðið af drasli og vísunum. Búningar Filippíu Elísdóttur eru síðan kirsuberið á þessum ofhlaðna ís, alveg stórskemmtilega óviðeigandi klæðnaðurinn var afbragð, sér í lagi múnderingar Joe.

Úr leikdómi Víðsjár - Rás 1, eftir Þorgerði E. Sigurðardóttur

Túlkun Unnar er afar tær og einstaklega sannfærandi... 

Síðast en ekki síst ber að minnast á Björn Thors sem fer með titilhlutverkið.  Hann var hreint og beint magnaður í hlutverki Joes.  Látbragð og svipbrigði eru gríðarlega vel unnin og honum tekst með eindæmum vel að gera grein fyrir þessari persónu.  Þetta var glæsilega gert hjá Birni

Hlustið á Víðsjár dóminn í heild sinni:  http://dagskra.ruv.is/streaming/ras1/?file=4314890/3 

Skrár tengdar þessari bloggfærslu:

• Fréttablaðsdómurinn í heild sinni

Úr leikdómi Morgunblaðsins eftir Maríu Kristjánsdóttur

Stefán Baldursson hefur valið skemmtilega leið að verkinu, í stað kómískrar stílfærslu kýlir hann natúralismann í botn. Leikstíllinn er framan af eins og staðið sé fyrir framan sjónvarpsvélar, lágstilltur. Djöfullegt plottið í upphafi ósköp eðlilegt og smávægilegt. Andlit leikaranna afhjúpa ekki hvað fer fram hið innra, viðbrögð, gjörðir koma því á óvart, framvinda atburðarásarinnar flettir ofan af eymdinni inni fyrir. Allt er hér unnið af mikilli nákvæmni og ofbeldið sem skellur yfir í seinni hlutanum, kynferðisleg niðurlæging með kjúklingalæri, slagsmálasenur, glettilega vel útfærðar.

Áhorfendur fögnuðu ákaflega í lokin og það var full ástæða til því hér vönduðu allir sig allan tímann og megasjónvarpsnatúralismi leikstílsins er vissulega eitthvað nýtt á íslensku leiksviði.

 

Skrár tengdar þessari bloggfærslu:

• Dómurinn í heild sinni

Úr leikdómi Silju Aðalsteinsdóttur úr Tímariti Máls og Menningar - www.tmm.is

mikið svakalega er sýningin gott leikhús! ... upplifunin var eiginlega brjálæðisleg 

Þröstur Leó er einhver besti leikari sem við eigum og hefur verið síðan hann hóf sinn feril (ógleymanlegur Hamlet árið 1988), og hann á ekki í vandræðum með Ansel. Það sem kemur samt á óvart er hvað hann leikur hann nett; þetta er langkúgaður maður af öllum, meira að segja sinni fallegu ungu konu. Þessi Ansel er löngu hættur að gera sér grillur um lífið, tekur því bara eins og hverju öðru hundsbiti. Meistaralegur leikur.

Öll hin eru nýleg á sviði og koma öll á óvart. Maríanna Clara var minnisstæð sem þjónustustúlka í Fullkomnu brúðkaupi hjá LA í fyrra en hér fær hún úr mun meiru að spila. Hún er glögg gamanleikkona, notar svipbrigði og rödd vel og á auðvelt með að leika tveim skjöldum. Svo er hún sérkennilega falleg. Þorvaldur Davíð er líka myndarpiltur og hefur töluverða sviðsreynslu en er lítt lærður leikari og það finnst á, öll líkamstjáning var ekta en röddin er ekki alveg eins hlýðin við hann og kroppurinn.

Mest mæðir á hjónunum Unni Ösp og Birni Thors í hlutverkum Joe og Dottie, og þau eru satt að segja bæði alveg æðisleg. Björn býr til svo margslunginn karakter úr sínum leynilögreglumanni og leigumorðingja að maður var lengi í vafa um að hve miklu leyti bæri að taka hann alvarlega. Svo var úr því skorið.

Dottie er ekki alveg eins og fólk er flest. jafnvel áður en hún sagði frá því sjálf var ljóst að einhvern tíma hefði verið tregt um súrefni til heilans í henni. Unnur var fullkomlega sannfærandi í hlutverkinu sem líka er best skrifað af þeim öllum - við þekkjum öll svona einstaklinga sem taka orðin nákvæmlega eins og þau eru sögð, sem skilja ekki myndmál eða þegar talað er undir rós. Hvert orð hefur bara eina merkingu og hún er nákvæmlega samkvæmt orðsins hljóðan. Ég segi fyrir mig að ég þekki Dottie og hún var lifandi komin á sviðinu.

svið Vytautas Narbutas var eitt af hans óhugnanlegu snilldarverkum og fatnaður Filippíu Elísdóttur með ólíkindum púkalegur!

Út úr hverju andartaki sýningarinnar lýsir gleði leikstjórans yfir því að fá að starfa með þessu unga og hæfileikaríka fólki. Allt hefur hann getað lagt á þau - og átökin í verkinu eru ekkert hjóm og hálfkák! Það er bannað börnum! Ég veit að aðsóknin verður alvitlaus og óska öllu því fólki góðrar skemmtunar!

Skrár tengdar þessari bloggfærslu:

• Dómurinn í heild sinni