Þorvaldur Davíð til USA

Þorvaldur Davíð Kristjánsson sem fer með eitt aðalhlutverka í Killer Joe, hefur hlotið inngöngu í hinn virta Julliard listaháskóla í New York.  Þorvaldur fór til New York í febrúar s.l. og sótti um inngöngu í nokkra leiklistarskóla þar í borg.  Eins og sagt var frá í fjölmiðlum nýlega var Þorvaldur svo kallaður aftur til Bandaríkjanna um miðjan mars í lokaúrtak inntökuprófa í Julliard og þurfti þess vegna að gera hlé á sýningum á Killer Joe í Borgarleikhúsinu. Hann er fyrsti Íslendingurinn til þess að hljóta inngöngu í leiklistardeild Julliard.  

Sýningum á Killer Joe lýkur í apríl, en verkið verður þó tekið aftur til sýninga næsta haust.  Það er því ljóst að um síðustu forvöð er að ræða að sjá Þorvald Davíð í Killer Joe, enda flýgur Þorvaldur til Bandaríkjanna á haustmánuðum. 

Næstu sýningar á Killer Joe eru í kvöld (fimmtudag), á morgunn (föstudagskvöldið 30.mars) og svo hefur verið sett inn aukasýning á skírdag – 5.apríl n.k.

 

Næstu sýningar eru á fimmtudaginn og föstudaginn n.k. og skírdag

 

 

 

 

 

 

 

 

 

 

 

 

 

 

Hvað segja BLOGGARAR:

 "Mig langaði annars bara til að segja frá því að ég fór á leikhús um daginn á leikritið Killer Joe í Borgarleikhúsinu og ég sem hef nú ósjaldan farið í leikhús og er oftar en ekki ánægð með sýningarnar ég hef bara aldrei séð neitt þessu líkt. Þetta var svo átakanlegt leikrit og leikararnir stóðu sig svo vel og voru svo sannfærandi í hlutverkum sínum að maður gleymdi því algjörlega að maður væri í leikhúsi. Verð að mæla með þessari sýningu og leyfi mér að segja að hún er ein sú besta sem ég hef á ævinni séð." 

                        

                         http://juliaemm.blog.is/blog/juliaemm/

 

 "...skelltum okkur því saman á leikritið (Killer Joe) sem var vægast sagt gargandi snilld. 5 stjörnur af 5 mögulegum, ég hef ekki skemmt mér eins vel í leikhúsi síðan ég sá hárið 1994 - þetta var það skemmtilegt. ..Snilld. Mæli með að þið tékkið á þessu leikriti. Leikararnir fóru svo langt yfir strikið og velsæmismörk að manni stóð ekki á sama á tímabili, SNILLD!"

                                         

                         http://theladystardust.blogspot.com/

 

 "Meiriháttar verk í alla staði- Björn og Unnur Ösp voru sérstaklega trúverðug þó hinir leikarnir Þröstur Leo, Þorvaldur og Maríanna voru þó öll líka frábær. Langt síðan að ég sá síðast svona gott og virkilega áhrifamikið verk ( við allar vorum með svitabletti eftir sýninguna ehehh)- Bravo!"      

                  Barbara – af http://theladystardust.blogspot.com/ 

"Heldur manni vakandi, og vel það...."

Rokklendingurinn Ólafur Páll Gunnarsson - útvarpsmaður Íslands mætti á sýningu á Killer Joe s.l. miðvikudagskvöld.  Í útsendingu á Popplandi daginn eftir spjallaði hann við Guðna Má Henningsson um sýninguna, söguþráðinn og persónur verksins.  Óli Palli sagði Guðna í löngu máli frá því á mjög einlægan hátt frá fordómum sínum í garð leikhússins og í raun hve lítinn áhuga hann hefði á leikhúsi, og Guðni Poppstýra tók hjartanlega undir og sagðist yfirleitt hundleiðast í leikhúsi. 

Guðni Már tengdi áhugaverða frásögn við útskýringu Óla Palla á söguþræði Killer Joe.  Sú saga gerðist í Ameríku líkt og verkið okkar og sprettur eflaust uppúr sama jarðvegi einangrunar, afskipta- og menningarleysis.  Þar spilaði örvæntingarfull móðir aðal rulluna og fórnarlamb sögunnar var ófleygur ungi hennar - 17 ára sonurinn sem enn bjó á heimilinu.  Kona þessi hafði miklar áhyggjur af plássleysi innan heimilisins, og leysti vandamálið á einfaldan og áhrifaríkan hátt - hún lét myrða son sinn.  Guðni hefur ekki enn séð sýninguna, en þessi saga er skemmtilega nálægt því úrræðaleysi sem þjakar persónur Killer Joe.  "Ég heyrði að þið voruð að tala um að kála mömmu... ...mér finnst það fín hugmynd"

Óli Palli er ekki maður sem kastar sér á milli veggja af hrifningu, það má segja að hann sé útvarpsmaður fárra orða - enda hafa tónlistarmennirnir yfirleitt orðið í Rokklandi.  Sá eiginleiki, í bland við einlægar umsagnir og beinskeitta gagnrýni útvarpsmannsins gefa honum vigt sem engin annar tónlistarspekúlant hefur á útvarpsbylgjunum í dag, og að mínu mati titilinn: Útvarpsmaður Íslands.

Á sinn hæverska hátt lýsti Óli Palli hrifningu sinni á sýningunni, og þá sérstaklega undrun sinni á því hversu hratt tíminn hafi liðið á meðan hann sat í myrkvuðu leikhúsinu.  Skyndilega var komið hlé, og áður en hann vissi var sýningin búinn - og hann kominn út á götu.  Eftir sat hressandi kvöldstund og óvænt skemmtun.

Hér greip Guðni Már inní og útskýrði mælikvarða sinn á leikhúsið.  Hann skipti leiksýningum í þrjá flokka, sýningar þar sem þú sofnar fyrir hlé, eftir hlé eða alls ekki - en þær síðastnefndu eru sjaldgæfari og vel þess virði að skella sér á - Óli Palli klingdi út með þeim orðum að Killer Joe haldi manni vakandi - og vel það!

 

NÆSTU SÝNINGAR Á KILLER JOE:                                    FIM.22.MARS og FÖS.23.MARS N.K.

    Blaðið         Fréttablaðið

TRYGGIÐ YKKUR MIÐA STRAX HÉRNA: www.borgarleikhus.is / www.midi.is  EÐA Í MIÐASÖLU BORGARLEIKHÚSSINS Í SÍMA 568 8000

Bjórblautur moli...

Þeir Þröstur Leó Gunnarsson og Þorvaldur Davíð Kristjánsson leika bjórþambandi feðga í Killer Joe.  Slagsmálasenur sýningarinnar eru ansi æsilegar og hátt í 10 lítrum af Budveiser bjór er hellt niður á hverri sýningu, enda er fyrirgangurinn í þeim atriðum sýningarinnar umtalsverður.

Engar sýningar verða núna um helgina á Killer Joe, enda er Þorvaldur Davíð flogin til Bandaríkjanna til þess að taka þátt í síðasta hluta inntökuprófa fyrir hinn fræga listaháskóla Julliard.  Næstu sýningar eru fimmtudaginn 22.mars, föstudaginn 23.mars og laugardaginn 24.mars n.k.  

My Space síða Killer Joe

www.myspace.com/killerjoecooper

Tryggið ykkur miða strax á sýninguna sem allir eru að tala um!!!

 NÆSTU SÝNINGAR: Mið. 14.mars, Fim. 22.mars, Fös. 23.mars

Miðasala Borgarleikhússins: 568-8000 - www.borgarleikhus.is / www.midi.is

Fréttablaðið föstudaginn 9.mars

Frábærar viðtökur

 

"Killer Joe hefur án efa stimplað sig inn sem ein af bestu sýningum ársins 2007."

       IBD, Blaðið 

            KHH, Fréttablaðið

Úr dómi Blaðsins, eftir Ingimar B. Davíðsson

(Unnur Ösp) í hlutverki hinnar einföldu Dottie; tvímælalaust stjarna sýningarinnar og náði að grípa mann svoleið­is að undirritað­ur hefur ekki upplifað annað eins í íslensku leikhúsi lengi.

 

Sýningin rígheldur áhorfendum í tilfinningaflóði gleði, spennu, viðbjóðs og undrunar, en ekki síst með húmor, því að þrátt fyrir alvarlegt eðli verksins er það uppfullt af góðum húmor og brast salur inn í hlátur á undarlegustu stöðum. 

Þorvaldur Davíð Kristjánsson ...sýnir það og sannar að hann er einn af okkar helstu rísandi stjörnum á leiksvið­inu.

Skrár tengdar þessari bloggfærslu:

• Dómur Blaðsins í heild sinni